Home Blog

Këshilltari i Merkel: Interpol të marrë përsipër hetimin e mashtrimit zgjedhor në Shqipëri

0

Martin Henze, këshilltari ekonomik i Grupit Parlamentar CDU, të kancelares gjermane Angela Merkel, ka reaguar lidhur me publikimet e gazetës “Bild” për farsën elektorale të qeverisë socialiste.

Përmes një komenti, Henze thotë se kryeministri Edi Rama jo vetëm duhet t’u kërkojë falje shqiptarëve, por edhe të japë dorëheqjen. Sipas tij, Europol dhe Interpol duhet të ngarkohet me hetimet mbi mashtrimin zgjedhor dhe bashkëpunimin e qeverisë me mafian.

Sipas këshilltarit të CDU-së, është koha që populli shqiptar të vendosë politikisht se çfarë do: “Të vazhdojë me “qeverinë Mafias Rama” apo një të ardhme në Evropën e civilizuar”

SHKRIMI I HENZE

BILD publikoi regjistrime të gjera telefonike – të bëra nga hetuesit shqiptarë – të cilët dëshmojnë për herë të parë se ka pasur një plan sistematik të partisë qeverisëse socialiste të Kryeministrit Rama për të manipuluar zgjedhjet në vitin 2017! Qëllimi: Falsifikimi i zgjedhjeve, blerja e votave, shantazhimi i votuesve të opozitës.

Me këtë, qeveria, Partia Socialiste dhe kryeministri Rama me siguri e kanë bërë veten masivisht të dënueshëm. Kjo është e papranueshme për Evropën. Me një qeveri të tillë Rama me siguri nuk do të jetë më në gjendje të flasë. Ne kemi dëgjuar tani nga materiali i Bild se si u përgatit një plan në Ministrinë e Brendshme për të fituar zgjedhjet nga socialistët.

Por si atëherë – hap pas hapi – paraja dhe presioni dhe kriminelët përdoren për të siguruar që rezultati të jetë i pakontestueshëm. Dëgjohet gjithashtu, se disa zyrtarë më të lartë kërcënojnë drejtorët e shkollave dhe mësuesit. Këto regjistrime të policisë gjithashtu dëshmojnë se kreu i qeverisë së Shqipërisë, Edi Rama, kishte dijeni për këtë komplot zgjedhor dhe për këtë arsye ishte pjesë e tij.

Zyrtarët e lartë qeveritarë planifikuan manipulimin e zgjedhjeve dhe e zbatuan atë së bashku me liderët lokalë të partisë socialiste, administratën shtetërore dhe mafian. Telefonatat e përgjuara nga policia anti-mafia tregojnë gjithashtu pjesëmarrjen dhe përfshirjen e politikanëve më me ndikim.

Përveç kryeministrit Rama, ministri i atëhershëm i Brendshëm, Samir Tahiri, aktualisht akuzohet se është anëtar i mafias së drogës. Janë gjithashtu anëtarët e mëposhtëm të Partisë Socialiste:

  • Ministri i Infrastrukturës Damian Gjiknuri,
    • Kryetari i Komisionit Parlamentar për Çështjet Ligjore, Ulsi Manja,
    • Kreu i Komisionit Parlamentar të sigurisë, Xhemal Qefalia,
    • Sekretari i Përgjithshëm dhe udhëheqësi i Grupit Parlamentar të Partisë Socialiste, Taulant Balla
    • Deputeti Pjerin Ndreu

Megjithëse hetuesit shqiptarë janë njohur me audipërgjimet për vite me radhë, megjithëse gjithçka që mund të dëgjohet në materialet është faktuar që ka ndodhur në të vërtetë dhe këto janë të dënueshme sipas ligjit shqiptar, deri më sot nuk ka pasur hetim per venie para drejtësisë per një nga politikanët, zyrtarët dhe mafiozët qe janë protagoonistë në audiopërgjime.

Përkundrazi, hetuesit të cilët ishin në gjurmët e lidhjeve të qeverisë socialiste me mafian e drogës u shkarkuan, u dënuan në burg, u vunë në arrest shtëpiak dhe ikën jashtë vendit.

Rezultati tani në Shqipëri dihet: Protesta, opozita nuk propozoi kandidatët e vet për zgjedhjet lokale të planifikuara për verën. Presidenti i vendit, Ilir Meta, i anuloi plotësisht zgjedhjet, por qeveria ende dëshiron t’i mbajë ato. Një luftë e vërtetë elektorale po shfaqet!

Zyra e Prokurorit të Përgjithshëm, në anën tjetër, konfirmoi vërtetësinë e regjistrimeve në gazetën BILD, disa prej të cilave kanë mbetur të pandryshuara që nga viti 2016.

Ka vetëm një mënyrë për qeverinë socialiste të Ramës:

1. Të kërkoje falje publike popullit shqiptar dhe bashkësisë ndërkombëtare për këtë sjellje të dënueshme.
2. Qeveria të japë menjëherë dorëheqjen.
3. Parlamenti t’i heqë imunitetin Ramës dhe të gjithë zyrtarëve të përfshirë në marrëdhëniet me mafian.
4. Europolit / Interpolit t’i kërkohet të marrë përsipër hetimin e mashtrimit zgjedhor dhe bashkëpunimin me mafian në këtë çështje.
5. Të gjitha asetet dhe llogaritë bankare jashtë të personave të implikuar të qeverisë dhe familjeve të tyre duhet të ngrihen deri në fund të hetimit.
6. Presidenti i Republikës të emërojë një qeveri të përkohshme / tranzitore në konsultim me të gjitha partitë parlamentare.
7. Zgjedhje të reja në datën më të hershme të mundshme.

Kjo do të siguronte një proces demokratik në përputhje me kushtetutën, paqen dhe demokracinë në Shqipëri, një shqyrtim ligjor të krimeve të mundshme kundër qytetarëve dhe do të mundësonte rivendosjen e sundimit të ligjit dhe demokracisë me pranimin më të lartë të mundshëm të popullatës shqiptare.

Pastaj me siguri do të jetë e mundur që përsëri të jetojmë së bashku në një mënyrë të civilizuar me kombet e qytetëruara të BE-së.

Prandaj është koha që populli shqiptar të vendosë politikisht se çfarë do: Të vazhdojë me “qeverinë Mafias Rama” aapo një të ardhme në Evropën e civilizuar, sipas gazetës “Bild”.

Edi Rama i tërbuar nga përgjimet e Billd është i gatshëm të çojë Shqiptarët në vlla-vrasje vetëm

0

Nga: Xhemal Gjunkshi

Edi Rama i tërbuar nga përgjimet e Billd është i gatshëm të çojë Shqiptarët në vlla-vrasje vetëm të mbajë pushtetin , e vjedhur me para e me banda kriminale

Kryekrimineli Rama është në panik dhe nga frika e popullit përdor policinë , sistemin e drejtësisë dhe bandat kriminale , shantazhon opozitën vetëm pse denoncon dhe bën publike krimin elektoral të zgjedhjeve të 2017.
Për të mbrojtur kriminelët dhe pushtetin kriminal ai është i gatshëm të djegë Shqipërinë .

Vetëm për pushtetin e tij , të klientëve të tij , të kriminelëve që e rrethojnë dhe të oligarkëve me të cilët ndan tenderat korruptivë, dhe paratë e popullit , ai kërkon të shkatërrojë pluralizmin politik dhe Demokracinë , duke e kthyer Shqipërinë në kohët më të errëta .

Partia Demokratike dhe Aleanca Qytetare për mbrojtjen e Demokracisë ia bën të qartë Edvin kriminelit dhe kriminelëve të tij se nuk do të lejojmë të djegë Shqipërinë , nuk mund të shkatërrojë Demokracinë , nuk ka asnjë shans të shantazhojë opozitën .

Koha jote ka mbaruar , dhe së bashku me bandat që të mbajnë në pushtet ,me policinë që e përdor kundër qytetarëve , dhe me prokurorët e gjyqtarët “kamikazë” , së shpejti do të shkoni pas hekurave

“Kërcënohet Lulzim Basha?” Lleshaj takon në zyrë truprojën e kreut të opozitës

0

RTV Ora ka siguruar një shkresë, që Partia Demokratike i ka dërguar ministrit të Brendshëm, Sandër Lleshaj në lidhje me një kërcënim ndaj kreut të PD, Lulzim Basha.

Në shkresën që mban firmën e sekretarit të përgjithshëm të PD, Gazment Bardhi, demokratët i referohen një takimit të ministrit Lleshaj me një prej punonjësve të gardës së Republikës, truprojë e Lulzim Bashës, mbi rrezikun që i kanoset sipas ministrisë së brendshme kreut të opozitës.

“Zoti Feim Dollapaj, punonjës i Gardës së Republikës, me detyrë shoqërues i kryetarit të opozitës, Lulzim Basha na ka informuar në lidhje me takimin që ju keni patur me të me kërkesën tuaj, ditën e premte datë 14.06.2019 ora 15:00 në zyrën tuaj në Ministrinë e Brendshme. AShtu siç ju i keni kërkuar z. Dollapaj na ka informuar se ju keni informacione të tërthorta dhe të besueshme si Ministër i Brendshëm, mbi rrezikun që i kanoset sigurisë së kryetarit të opozitës zotit Basha dhe se ju prisni përgjigje verbale nëse Basha vlerëson se kërkon masa shtesë sigurie”, thuhet në shkresë.

Bardhi shkruan se Lleshaj ka shkelur çdo procedurë dhe çdo mënyrë institucionale të trajtimit të kësaj çështjeje.

“Më duhet tju them se takimi juaj me shoqëruesin e kryetarit të opozitës dhe biseda e zhvilluar me të është jo vetëm e paprecedentë, por tërësisht jashtë standardeve dhe praktikës ligjore, etij dhe profesionale për një ministër të Brendshëm. Me këtë qëndrim ju keni shkelur çdo procedurë dhe çdo mënyrë institucionale të trajtimit të kësaj çështje”

PD kërkon nga ministri informimin në mënyrë zyrtare për këtë informacion, në të kundër ajo thotë se do ta konsiderojë veprimin e Lleshajt si një shantazh për qëllime politike.

“Në emër të PD kërkoj nga ju që të na informoni menjëherë zyrtarisht mbi motivet që ju kanë shtyrë për ta trajtuar këtë çështje në këtë formë të paprecedentë dhe në anashkalim flagrant të ligjit, si dhe të na informoni menjëherë zyrtarisht mbi seriozitetin dhe besueshmërinë e informacionit që keni përcjellë përmes shoqëruesit të kryetarit të opozitës, mbi rrezikun që i kanoset sigurisë së kryetarit të opozitës. Në të kundër, PD do ta konsiderojë veprimin tuaj shantazh për qëllime politike dhe ju do të mbani përgjegjësi për këtë veprim”


360grade.al

Kriza politike, Presidenti Meta takon ambasadorët e Bashkimit Europian

0

Kriza politike, Presidenti Meta takon ambasadorët e Bashkimit Europian

Presidenti Ilir Meta ka zhvilluar një takim me ambasadorët e Bashkimit Europian, në Pallatin e Brigadave.

Burimet bëjnë me dije se takimi është zhvilluar për të diskutuar në lidhje me krizën që ka përfshirë, prej muajsh, gjithë politikën shqiptare dhe rrezikun e konfliktit civil ku po e çon vendin kryeministri Rama. Mësohet nga burime nga pallati i brigadave se Presidenti do t’i sqarojë ambasadorët e BE për dekretin, për zgjidhjen e situatës si dhe do iu sqarojë se përse duhet shtyrja e zgjedhjeve, sipas dekretit.

Siç dihet tashmë kryeministri Rama nuk pranon asgjë. Nuk respekton as dekretin kushtetues të Presidentit të Republikës, i cili ka fuqi ligjore pasi është botuar edhe në Fletoren Zyrtare.

Ish-deputeti Xhemal Gjunkshi kërcënon Ramën: Le të guxojë të shkelë sërish në Dibër, e të provojë ç’e gjen

0

Ish deputeti demokrat i qarkut Dibër, Xhemal Gjunkshi u shpreh se me 30 qershor nuk do të lejohet asnjë kuti votimi për t’u zhvilluar procesi zgjedhor në qarkun e Dibrës.

“Jemi në një situatë të një demokracie të rënë dhe në një situatë të një grushti shteti, ku kryeministri Edi Rama po kërkon një përplasje të qytetarëve jo vetëm në qarkun e Dibrës po në të gjithë vendin. Jemi në kushtet kur presidenti i Republikës me dekret ka ç’dekretuar datën e zgjedhjeve, i cili me këtë akt po mbron vendin nga lufta civile. PD e Dibrës dhe mbështetësit e saj janë kundër këtij veprimi te çmenduar të kryeministrit Rama. Ai ishte të dielën e 9 qershorit në Dibër, por le të guxojë të shkelë edhe njëherë në Dibër e të provojë se çfarë e gjen..”, u shpreh Gjunkshi.
Ish deputeti i qarkut Diber Xhemal Gjunkshi foli edhe për dosjen 184 të shitblerjen e votave në Dibër. Për këtë ai deklaron se i ka kërkuar Prokurorisë së krimeve të rënda hetimin e shpejtë dhe të plotë të kësaj dosje për të zbardhur krimin elektoral që përmban dosja 184.

360 Gradë/ Ceka ironizon Ramën: Nëse “Skënderbeu” është trim, të ndryshojë Kushtetutën

0

Politikani Neritan Ceka i ftuar në emisionin “360 Gradë” në RTV Ora ironizoi kryeministrin Edi Rama duke thënë se tashmë që i ka 94 vota të sigurta të ndryshojë Kushtetutën dhe mos të merret me Gjykatën Kushtetuese.

CekaÇështjet janë shumë më të lehta seç i mendojmë. Në qoftë se, ai burri “Skënderbeu”, sic tha një nga këto vajzat është trim, e ka shumë kollaj nuk ka pse ti komplikojë punët i ka 94 vota të ndryshojë Kushtetutën, çi duhet Gjykata Kushtetuese. E heq nga neni i Presidentit kalimin tek Gjykata Kushtetuese 94 vota duhen pse e komplikon punën. e shkarkon direkt. Me sakrifica e kanë bërë atë parlament. Kemi pasur një parlament e mbajmë mend mirë në ’90 që ngjan atyre të Europës. Kemi një popull që është më shumë se 90% pro BE, ku parlamenti është vendi i shenjtë i kombit. Presidenti është vendi i shenjtë i kombit, nuk merren ata ke ndarë gruan, nuk ke ndarë gruan. Me këto fjalimet banale të parlamentit tonë.

360grade.al

Reali shpenzon deri 450 milionë euro. Madrilenët thyejnë rekordin e merkatos që në… qershor

0

Këtë verë, pra deri në këtë mes qershori, madrilenët kanë zyrtarizuar plot pesë blerje. Rodrigo, i ardhur shumë më parë, por që llogaritet në këtë verë, është blerë për 45 milionë euro nga nga Santosi, Militao për 50 milionë euro nga Porto, Joviç 60 milionë euro nga Frankfurti, Mendi 48 milionë euro nga Lioni, si dhe 100 milionë për Hazardin, e çojnë në plot 303 milionë euro të shpenzuar këtë merkato, deri në këtë moment, shkruan Panoramasport.

Kjo “verë magjike”, kalon edhe atë të vitit 2009, kur Reali solli yje si Kristiano Ronaldo, Kaka, Benzema apo Ksabi Alonso, dhe që në total ishte në vlerën e 254 milionë eurove.

Por, në “Bernabeu” po punojnë ende për një nga kërkesat e Zidan, Pol Pogba, që nëse llogaritet në një shifër rreth 150 milionë euro, shpenzimet në total do të shkonin në rreth 450 milionë euro.

Sot 5 orë mocion debati kundër vendimit të Metës/ Policia “blindon” Kuvendin

0

Kuvendi i Shqipërisë do të mblidhet sot në një seancë plenare, ku është parashikuar 5 orë mocion debati për rezolutën kundër vendimit të presidentit Ilir Meta për anulimin e zgjedhjeve të 30 qershorit.

Ndërkohë, kryeministri Edi Rama ka njoftuar se do të mbajë fjalën e tij në orën 12:00.

“Sot në 12.00 në Kuvendin e Shqipërisë, fjala ime në debatin e Rezolutës, Mbi aktin e presidentit të republikës për shfuqizimin e dekretit nr. 10928, datë 05.11.2018 “për caktimin e datës së zgjedhjeve për organet e qeverisjes vendore”, shkruan Rama.

Nga ana tjetër, policia ka marrë paraprakisht masat duke shtuar forcat e sigurisë.

Mësohet se janë angazhuar para Parlamentit, rreth 250 forca policie, ndërsa perimetri i jashtëm i saj është rrethuar nga gardhi metalik dhe teli me gjemba

Vizat amerikane, ambasada bën një njoftim me rëndësi për të shmangur radhët

0

Ambasada amerikane në Tiranë ka dhënë një orientim me rëndësi për qytetarët shqiptarë që kërkojnë viza amerikane.

Ambasada njofton: “Vera është gjithmonë një kohë e ngarkuar me udhëtime, prandaj dhe ju duhet të prisni më gjatë për një takim për vizë. Nëse viza juaj amerikane turistike e mëparshme skadon brenda 12 muajve të fundit, atëherë ju mund të kualifikoheni për programin tonë të rinovimit të vizës me postë.

Ky program është i hapur për njerëzit me viza ende të vlefshme ose të skaduara së fundmi, të cilët nuk janë dëbuar nga Shtetet e Bashkuara dhe që nuk kanë të dhëna kriminale. Nëse i përmbushni kriteret, ju mund të anashkaloni qëndrimin në radhë për vizë! Përdorni programin tonë të rinovimit të vizës me postë!”

FOTOT/ Meta shtrëngim duarsh me Clinton: Mirënjohje përjetë SHBA-së

0

Presidenti i Shqiperisë, Ilir Meta ka qene sot pjese e ceremonisë së zhvilluar në Prishtinë për nder te 20 vjetorit te futjes se trupave te NATO-s ne Kosove. 

Meta eshte takuar me ish-presidentin e SHBA, Clinton dhe personalitete te tjere te larte te ftuar ne kete aktivitet te rendesishem per Kosoven.

“Gëzuar 20-vjetorin e lirisë Kosovë🇽🇰 e dashur! Falënderim dhe mirënjohje përjetë SHBA🇺🇸, NATO-s dhe Presidentit Klinton!”- shkruan Meta, teksa ndan me ndjekesit e tij, nje album fotosh nga takimet e sotme.

meta clintonmeta clinton1meta mesicmeta+clintonmeta1meta2meta3

Loading...